السلام عليكم ورحمة الله وبركاته
اول شي حبيت اوضح لكم انا عندي مشكلة الحفر والهالات تحت عيني عاد جان زين بس حفر الا قصدي بئئئئر بتروول محفور تحت عيني لوول ..استغفرالله..الله يكفينا شر اللي يشوفني يقول هاذي فيها مرض @@ طبعا كله من السهر والبجي
<<<<< مدخلتنا عشان تشتكيين
؟ خخخخ
المهم نيي حق موضوع الطريييييييقه العجيبة قبل فترة شفت بنيه تسال عن علاج الهالات بالمنتدى وكل البنات قالولها يا تستخدمين بطاط او خيار ..فحبيت اني اجميع بين الخيار والبطاط بطريقه سهله ما تاذي خصوصا اني لما احط البطاط يطييح يزلق من العين ونفس الشي الخيار
فشوفو شنو سويت(بالصور) وانصدمت من النتييجه
اول شي تحتاجين خيارة وبطاطه (الكميه اللي تبينها بس المهم يكونون متساوين تقريبا بالحجم انا اهني استخدمت جزء من خيارة صغير ونص بطاطه صغيره ) ونايلون وعلبه مكعبات الثلج
[ندعوك للتسجيل في المنتدى أو التعريف بنفسك لمعاينة هذا الرابط] ثاني شي تبشرينهم مع قشورهم مو تشيلون القشور !! ترا معظم فيتامينات الفواكة والخضار تتركز بالمنطقة الدقيقه اللي تحت القشور فان شلتي القشور راحت الفايدة
[ندعوك للتسجيل في المنتدى أو التعريف بنفسك لمعاينة هذا الرابط] ثالث شي خلطي المكونات بيدج عجنيهم حيل وقعدي رعصي فيهم لما تصير مثل عجينه ( لا تخلطونهم بالخلاط عساس يتعجن !! جذي تطيحون الفيتامينات ..واهم شي تغسلين ايدج قبل لا تخلطينه وتعجنينه ..ماتدرين يمكن تيوعين بعدين ههههههههه لا اتغشمر لول بس عشان العين منطقة حساسه فلازم تنتبهين حق هالامور )
وهاذي الصورة بعد الخلط
[ندعوك للتسجيل في المنتدى أو التعريف بنفسك لمعاينة هذا الرابط] بعدين اخذي نايلون وقصي مربعات صغار جذي
[ندعوك للتسجيل في المنتدى أو التعريف بنفسك لمعاينة هذا الرابط] واخر شي تييبين علبه مكعبات الثلج وتدهنين من داخل المكعبات بزيت وتحطين مربعات النايلون في المكعبات وتصبين الخلطة فوقه والخلطة راح تكون فيها ماي مال الخيار والبطاط مو تكتووونه ..حطوا مع الخلطة كله مع بعض بهالطريقه
[ندعوك للتسجيل في المنتدى أو التعريف بنفسك لمعاينة هذا الرابط] ودخلوه الفريزر وخلوو يوم كامل ولما تطلعونه راح يكون بهالشكل
[ندعوك للتسجيل في المنتدى أو التعريف بنفسك لمعاينة هذا الرابط]عاد قعدي مسحي فيه عينج بشكل دائري لما يذوب كل الماي اللي فيه ويبقى الزوائد راح تكون على شكل طينه يعني تقدرين تثبتينها تحت عيونج دون ما تطيح
وكا هاذي انا مثبتتها تحت عيني ( لازم نغطي الشعر متحجبه لول )
[ندعوك للتسجيل في المنتدى أو التعريف بنفسك لمعاينة هذا الرابط] والله يا بنااااات حسيت بالفرق من اول مرررة استخدمتها والحين صارلي جم يوم مداومه عليها والنتيجه من روعه الى اروع انتو بس داوموا عليها وشوفوا النتيجه ..حتى والله ان عيوني كانت تعورني لان كنت باجيه بجي اليهد وعيوني منتفخه وحايشني صداااع والعوار طاق بعيني فبس حطيتها على عيني امبيي والله جني جذااابه العوااار راح وحسيت عيني فريييش نااضره والحين مع الايام حتى الحفر قاعد تروح
اي وعندي ملاحظة بالنسبة للزيت ترا مو شرط تدهنون المكعبات بالزيت لان ماراح يحوش عينكم بس الغرض منه ان يسهل عمليه نزع النايلون عقب ما تتجمد الخلطة ( اهم شي " نزع" ) لووول
وبالاخير شوفو نتايجها بعينكم ..التجربه خير برهان ..بس مابي منكم شي الا دعععععوة من صميم القلب بس ادعوولي عن ظهر غييب وشكرا
موضوع: طريقة طبيعية لعلاج الهالات السوداء تحت العين 